此上好文章來自:(佚名) 大湧大流既對策?? 策?? 大湧時 - 操作困難, 最怕釣組大幅上落, 牽動釣餌不停大幅上落, 縱使有魚訊都唔會好睇。
所以重點在於釣組調定時, 釣餌被湧口的影響要減少, 所以相對要留有一定的 "全漂" 子線,
"全漂" 同時留有一定空間作上下幅度的緩和, 夾鉛可以集中一點, 務求浮子跟夾鉛一段直接有效地打開。
大流 - 釣組走得太快而覺得唔好釣同難操作, 其實較重要是這種情況下釣組有否充份打開!?
釣餌到唔到棚!? 所謂 "大流" 亦係咪只得 "面流" 的流動!? 還是整個流向的大流!
有個大部份人都會出錯的觀念, 大流時希望用 "乘流性" 低的浮波減低釣組流動速動,
當然如果只係面流的話, 這種改動會較為合理, 但係如果是整個流向既大流呢?
浮波乘流性減低左, 但浮波下整個釣組乘流性仍然不變, 結果是整副釣組過度上揚,
雖然唔會出現浮波先行帶著釣組走, 但整個釣組都不能下沉到合適釣棚同角度,
釣水面魚就無乜所謂, 要釣中下層或底物就機乎無機會。
對好多初學或者進階朋友, 初時遇上大湧或者大流時, 釣組設定上會幾難作決定。
送個簡單建議比你, 每次去到釣場設定釣組前, 睇清楚釣場環境後,
第一樣就想, 由釣餌位置開始!!! 因為你可能用不同既餌, 你想將餌送到不同位置!
所以從釣餌位置再一直聯想上去, 加入環境因素後, 你自然知道應該同幾大負載/負重/大細既浮波。
而唔係 set 好釣組再去想要點釣, 為自已釣魚的方法提升主動權。
依上述建議所講, 就算大流大湧下,
你要將口餌送到邊??? 如果是希望釣到底, 釣組自然要有一定負重, (可能要用到 5B 以上)
釣場深唔深??? 越深流大的話, 負重要越高, (可能要用到 0.8, 1.0, 1.5)
湧口是有方向性定船浪引起?? 持續性的話會有流向出現, 相反船浪就亂跑,
浮波要有一定大小提供乘流以便釣組下沉(要用到 L, LL size), setting 上要 set 沉少少減低湧口上落影響,
推段湧口波幅大小, 這個波幅大小就是你子線全漂距離, 合理提供一個湧口波幅的緩和距離。
釣組就 set 好, 之後就是還原基本, 操作上問題而已。儘管大流大湧都好, 先想清楚你想釣餌送到什麼位置!!?? (假設你要釣底的話)
你釣組上一定要有充足的負重先可以將釣組送入釣棚, 並且希望釣餌可以穩定留在釣棚。
(以上係重點!!!!!! 切記!!!!! 首先釣餌位置問題已經可以解決! 對不對!?)
亦因為環境下要用較長子線令到釣餌穩定 (此乃另一重點, 釣餌狀態問題亦解決)
這種解決方案下你會想到或作釣時面對兩個小問題,
第一, 由於負重集中一點又配以長子線, 釣組下沉時會出現 " V " 字狀態
第二, 感覺上釣餌要較長時才到位
而一二兩個問題都可以輕易解決! 釣組下沉時出現 " V " 字狀態, 釣組好易纏繞,
有人會提議將負重從母線上由一點分拆成兩或三點, 但分拆後釣組下沉速度及能力會減低
(即是大湧大流下無大好處!), 所以我講過要回到基本用少少手法解決問題。
亦即是利用手法讓釣組完全打開, 釣組拋出後要將釣組帶直,
釣組下沉時亦要有適量的制止及拉扯, 等 " V " 字狀況減少, 不至於會纏線。
若果這基本手法未能做好, 可以在子線中間加入一粒 G3 ~ G5 夾鉛,
可以進一步減少纏線情況(當然最好都加入少少帶直的手法), 感覺上亦好像實左一點。
至於口餌會否慢左到底!? 感覺上好像會慢一點, 實際上相差其實好少~~~
只是你懂不懂讓釣組充份打開來幫忙一下, 所以一二兩個問題可以輕易同時解決。
還有一點較少人講到, 雖然不時強調釣組打斜的重要性,
輕釣組總希望整個釣組呈現大約 45 度的良好角度, 但當你使用重釣組或輕釣組時,
觀念上亦要有一點轉變, 一個較為垂直的釣組, 母線和子線轉折位置角度在 90 度左右,
已經是到位和已經可以開始作釣, 輕重不同釣組對釣組狀態要求都會有所不同。
另外有個觀念好重要, 釣組輕重, 子線長短是兩個範疇, 雖然會交替使用,
只是坊間好多輕釣組長子線, 重鉛短子線等講法/使用方法令人誤會兩組不同情況,
輕釣組短子線或者重釣組長子線都時常會用到, 只係使用者懂不懂靈活運用而已。
當流和湧都大同時要一併考慮! 並不是考慮流或湧先! 點樣考慮法????
咪又再一次! 你想將口餌送到邊度? 要口餌出現咩狀態? 明白未?
只要你有立體概念, 最簡單圖象化觀念去講大流, 就是一種前後或者左右動作,
而大湧就是一種上下動作, 所以釣組在海裡面不能以平面去解釋動作。
