星期六勁恐怖! 咁都俾我釣到!!!!
個日 Dayoff 唔知點解戚起條根, 一個人走左去大陸釣魚 (紅 x 灣). 11:15am 去到, 俾左錢後, 老板娘俾左的九 x 咁大的釣餌俾我. 點釣呀! 成只羅氏蝦咁大. 好彩, 我有自備死火野. (街市買)
咁咪開左兩支竹玩一生一死囉! 點知出現奇迹, 一開竹俾我到一條約2斤重的紅鮪. (是死火野得食!) 只生的依然是好蕭搖自在.
之後一直食西北風. 直到差唔多3:00又中一條接近斤頭紅鮪 (又是死火野得食!) 的生蝦... 唉.....
咁我見人又唔多. 又開一條竹, 用上一餅好耐都無用的魚絲(都系用死火野). 諗住玩下姐. 點知...... 個浮波慢慢咁沉左落去..... 又有料到. 咪一抽..... 恐怖的事件發生啦........救命呀!!! (時間約: 3:10pm) 我未釣過的咁的野架..!!!
我一抽時驚見湖底抄起的泥底, 已心知不妙. 支竹己變倒 " U " 型, (是號半竹), 一定是大物. 咁我又收收放放咁諗住玩殘佢先拖埋邊囉. 點知玩左成5分鐘都唔覺得條魚有放慢的迹象. 而且仲好似好好力咁同我斗拉. 咁又玩多2分鐘后 (其實我只手己經好痺) 情況依然如是. 連條是乜魚都未知. 于是把心一橫, 把竹抖高的. 驚見一個半圓白色魚下巴帶幾條觸須稍現即逝. 大镬.... 是....是..... 埃及塘蚤!!!!!
結果我要叫救命, 搵人幫我攞撈箕撈起條魚, 都撈左成六次至成功. 周圍的人話起碼超過五斤, 我都信. 因為真系好大條. 結果俾老板娘一秤. 結果是: 8斤半
有相為証
描述:大塘蚤
點擊看大圖:塘蚤03.jpg
描述:紅鮪2條
點擊看大圖:紅鮪.jpg
描述:同支水比較
點擊看大圖:塘蚤01.jpg
描述:大特寫
點擊看大圖:塘蚤02.jpg
描述:我將佢放系只艇度比較
點擊看大圖:塘蚤.jpg
