一向都係講緊 stella 同 exist ~ ^^
我之前都講緊手感問題 , exist 係手感上從來都無實在既感覺 , 點解 ? 細心慢慢搞個時 , 輕輕俾少少力回轉方向黎向前搞 , 你就會發覺並唔緊密 , 空搞既時候 , 只有覺得虛浮 ~ 但你話停就停 , 去就去 ... 呢點我就真係要問清楚你 ... 乜 stella 搞個下唔去既咩?? 停個下佢仲會轉 ???
講配套 ... 真係好心你 ... 幾年前已經感覺到釣具商係玩無可玩 , 已經搵唔到咩新花臣野出既時候 , 就轉玩 parts 配套 , 出埋一系列既唔同深淺既杯 , 仲要賣到鬼死咁貴 , 淨係 rcs 杯黎講 , 同原裝杯有咩唔同 ? 咪淨係換左令到回轉個時發聲個份金屬 , 令到出線聲更加清脆 law , 但係同原裝杯既價格就差得遠 , 我唔知呢樣究竟係變相呃錢定係點呢 ?? daiwa show 曬 d parts 杯同手柄 , 膠把作為一系列 , 明係俾你睇到有 d 咁既野換 , 咁就可以覺得配套好 ??? 唔通 shimano 無得你配 ?? 定係唔知有得配 ?? 先唔講夢屋 , 呢樣又係呃錢既 , 所以淨係講返原裝杯 , 由1000~4000 , 深淺杯一樣有 , 2000s ,2500s , 1000s , 唔通呢 d 又唔係 parts ?? 要配個杯返黎好難 ?? rcs 訂返黎既折頭還要貴過乜 , 仲要難訂 , 咁即係擺明係呃錢 , 但 shimano 要訂個原裝杯返黎有幾難 ?? 價錢又靚 , 我真係唔知你點揀 law.... ^^
耐唔耐用...... 你有冇搵個 daiwa 拉過大物 ?? 我個 certate r custom 釣十鬆斤懵仔而已 , 玩完十幾分鐘之後 , 返黎我已經覺得個鉸有唔同感覺 , 再用多一排 , 更覺明顯個 body 已經唔係個回事 , 完全對個鉸另眼相看 ... stella 暫時黎講 , 機械上既感覺完全未有任何問題 , 用左兩年幾黎計 , 同我新買返黎個時相比 , 只覺得磨合更好左 , 兩個鉸相比 ..... 我就真係點都唔會揀 exist 好過 stella ...
