係11月25至26兩日裡面,眾獵人空群而出,我同韋樂就係25/11負責出征香港鴨記,而牛記,春春,康師傅,青文就負責係26/11前往斗門網山水庫,肥仔同肥業就同樣係26/11到訪橫琴大物.......
小弟負責報告香港戰況,春春佢地就會報告網山及大物既軍情
講返25/11當日本澳下著密密大雨,起初已經想取消往港,但係打過電話比華仔之後,完hk戈面無落雨,咁我就同韋樂執好架生就係下午二時出發.....抵達香港後首先同華仔嘆返個下午茶,之後就急急腳咁趕入鴨記,今次我地早有準備,專程係澳門選購咗一批靚絶一指長既沙蝦(用乾養法)嗱黎鴨記.
二話不說,試吓先,不消五分鐘即中,爽!...第一個搶劫犯4斤紅鮋被捕....繼而本人同韋樂都不斷有魚訊,直至晚上九點去食餐蛋面....就係呢個時候比我地發現咗個驚天秘密....就係我地吔麵之際,留意到不遠處有四名釣友,不停咁起魚,起魚密度真係密到你唔信,雖然話鴨記多魚釣啫,但係咁既情景我真係未見過,唔通有咩密密釣餌??????我地再留意吓,完來佢地全部都係中黃立倉,細心再睇吓.....一切既迷團都一應而解,完來佢地係玩軟蟲....但係無理由大咬到咁瘋狂掛???再留意吓完來佢地係掟至釣點後,立即以快速留絲,繼而稍停一停,再繼而快速收絲,周而復始,直至中魚為止........我地吔完個麵之後,即刻攞架生去玩黃立倉....嘩嘩嘩嘩嘩....真係得食...當你條蟲一停,黃立倉立即搶劫,一抽就中.....我地就係咁樣足足不停咁抽咗成個幾鐘黃立倉...直至魚訊疏落.......玩完黃立之後,我地就返回原位繼續作釣,完來今次主要開邊位,都幾密手....咁樣又玩至凌晨時份,我同韋樂心陏陏又想去抽倉....如事者又去返抽倉,點知又有,又抽足大半個鐘.....之後釣邊位又得手.....就係咁樣我地就釣到天光,幾乎無停過手....當時隻手已經累到攻魚都無力...陰功.
可能個攪實在太忙,成晚都係咁出拉力,佢終於頂到天光後就出現小故障 (出拉力無聲).....鳴鳴~~~~
就係咁我同樂就戰至跟疲力竭地係26日早上七時許離開鴨記返澳了
今次真係玩得好開心
在此特別鳴謝kin哥係百忙抽空入鴨記陪我地釣魚釣到凌晨三點,真係辛苦佢,因為kin哥係早上九點又要同華仔佢地去釣魚....辛苦晒kin哥
[ 此貼被小小強在2006-11-26 22:38重新編輯 ]
