於今日19/11/06,本獵人小隊:我,春春,肥仔,肥業 一齊參與咗澳門每年一度既盛事----第53屆澳門大
賽車,今日我地一早8點幾就去咗霸位,個位置正正係水塘灣個度,位置都算唔錯,今日有波子,有東望洋,又
有三級方程式睇.....正......今日首場賽車係清一色保時捷(波子)既大鬥法.....咪話貴車戈D車手會好
錫車,一開賽D車涌過水塘灣(即係我地既面前)就炒車了...咁岩被我拍到炒車戈刻....正 .
跟住就係必睇賽車東望洋(WTCC世界房車賽最後一站賽車).....今年係寶馬大戰西亞.......一開始全場觀
眾包括我地簡直熱血沸騰.....各路高手派路,約克梅拿,迪古梅拿等等耳熟能詳既高手都有參戰....高手過招
精彩精彩.....睇完戈陣簡直拍爛晒我地D手掌.......派路榮登今年WTCC世界房車賽總冠軍...恭喜晒.
最後亦係最精彩既三級方程式賽事....嘩又係多位高手大鬥法....32號車日籍車手小林可夢位排頭位出賽,
亦係頂級大熱,我都希望佢為亞洲人增增光.....一開賽激烈既爭位各不相讓,戰至葡京灣時小林被後兩架車迫
到鬥遲收油.....噢最後三架齊齊小炒一碟,轉唔到葡京灣....疼失爭標機會真係可惜....最後英國車手???(唔
記得個名)取得冠軍......至此第53屆澳門大賽車亦曲終人散
最後補充一點,就係小弟坐既位置無咩角度影相,人又多....所以拍出來的照片來來去去都係戈一兩個角度
同埋要拉到好近先影到,所以希望大家見諒見諒 [ 此貼被小小強在2006-11-19 18:59重新編輯 ]
點擊看大圖:DSC01568.jpg
