級別: VIP會員
UID: 2288
精華:
1
發帖: 1091
漁樂幣: 10183 元
威望: 2388 點
貢獻值: 31 點
娛樂金幣: 0 元
在線時間: 711(時)
註冊時間: 2006-09-14
最後登錄: 2009-10-09
|
皇朝 古猗園南翔小籠包店
今晚一心諗住去呢間小籠包店幫襯下, 因為呢間野我個 friend 話係大陸都幾出名!!!加上某網站有一會員力吹好味!攪到我心郁郁!真真正正慕名去食~~~~
一入到去,裝修普通還可接受! 有位姐姐即刻攞張餐牌來, 一睇之下, 得好少野可以揀, 不過都唔緊要, 因為大路的上海小菜都有, 而且價錢都幾平下, 心諗正呀!咁我就開始叫啦 ... 小籠包 x 1 花雕醉雞 x 1 火腿津白 x 1 蝦仁炒飯 x 1 酸辣湯 x 1(位)
首先係小籠包出場, 一望之下”乜我叫左叉燒包咩?”佢 d皮超厚, 好小心咁放入口咬, e~~唔怕有水流出黎喎!!頂!呢 d 叫小籠包, 四個字形容晒皮厚汁少, 簡直係將南翔小籠包o既清譽一掃而空!!!
跟住出場o既係酸辣湯, 一睇之下, 色水唔掂好似罐頭湯咁...一放入口...唉~~~得個酸字!味道好淡!又冇乜料!如果連酸味都冇的話就好似蛋花湯咁...一個字"差"二個字"難飲"
跟住到花雕醉雞出場, 睇上去都唔錯應該食得下 咁即刻夾大大舊放入口, 嘩嘩嘩!!!想lur都lur唔切~一大陣藥水味滿口都係, 好辛苦好辛苦咁將佢吞左心諗唔通我個舊有問題, 再試~~~頂, 又係咁o既味...即 lur跟住四圍望下, 發現人地都係食左少少就放低左咁就證明係有問題啦!!!
然後火腿津白出黎啦, 諗住應該穩陣啦呱! S..H..I..T~~~~~點解變左豉油浸津白, 唉!連上湯都唔用, 真係冇晒意見!!!!
最後到個蝦仁炒飯上枱啦!個心已經冇乜期望可言, 一上枱...唉!又個乞衣兜個兜咁...想點呀大佬! 再睇下d飯...同我屋企炒冇乜分別!!不過味道都幾似我自己炒, 可以入口~ 亦係成晚唯一可以填飽的!只係多左少少油...
埋單 $132 (兩個人食) 其實真係唔貴, 只係好難食, 佢唔係唔好食而係好難食個隻!我諗仲衰過官恩娜煮~
基本上有人請我去我都唔會再去個隻! 返到屋企個肚仲係到攪攪下咁...
|