於21/10/06本獵人小分隊:我,春春,肥仔,韋樂聯同宮本兄一同前往香港,準備出戰鴨仔,約於下午4:00抵達香港,當時華仔,華老2,KIN哥已經係度等緊我地,當大家吃完下什茶之後就出發
第一站:去街市買蝦,因為我地澳門網友方面無帶備養蝦既蝦箱,所以就買咗個紅A膠水筒外加一個打氣機來養蝦.....睇落又狼背同埋攪笑
,我地一行9人:一共買咗十一斤籃尾白其實都幾誇張...
第二站:立即坐車前往鴨記,大約下午7時許進入魚場.....真可惜趕唔切釣黃昏水
,無打緊各人均以取快既時間開好釣具立即作釣.....大家都係清一色咁玩 "即吃" ,好快已有人中魚,最勵害過陣同時有三人一齊中魚嘩....勁,,,,,,,又有星星,紅鮋,盲鬼等一齊上水,嘩D盲鬼同紅鮋真係超大條,比起我上次過黎過陣重要大同厚身,見到佢中魚,真係玩得開心又刺激,尤其以肥仔既5呎6既2至4磅新竹最刺激同頂癮
,好快仲幫佢起咗過新朵 "心臟竿" 添.......何解
,其實係解作用呢支野中鴨仔D魚一定會心臟病發,所以簡稱為 "心臟竿"
,我親眼見過肥仔已 "心臟病發"過好幾次,個支竿攻到去手柄......非常勁抽........
而另一邊箱,有主場之利既華仔的確應真西利係密密起魚....勁,而我同春春今次黎鴨仔仲係有一個神聖既任務,就係要為我地既 "士爹娜" 開光,無幾耐我地都分別中魚來為佢C3000進行開光大典,春春就係以一條大星開光,我就用一條大盲開光......同樣都係感到十分好玩....那些3K的盲鬼根本唔係魚咁品,中咗佢真係有排攻.....正
而第一次黎鴨仔既韋樂,同宮本都相繼中魚,但係最攪笑都係韋樂發現咗 "風車旋轉型"的六合彩賭運釣法 : 就係佢走咗埋去人地個風車型打水機附近 "辣" 魚...點不知真係比佢揾到個 "魚 鬥" ...但係中魚後要快快手咁將條魚抽離水車範圍,否則肯定比水車割梗.....佢的確係咁中魚但係你以為佢地係橫琴SIZE呀話抽出黎就抽出黎呀,過D咁既大物一發難就沖入水車,無咀駁....唉,就係咁呀樂生就被慘割多口,唔知好怒定好笑....不過最後王天不負有心人,都比佢中返幾條大野補吓數啦,但係睇到佢拉牛上樹咁抽條魚出黎....又真係幾好笑
該晚神秘嘉賓有小銘出席,
,而磯師父就係凌晨時份到來匯合
今晚肥仔既瞓教中魚大法仍然有效
釣到早上07:00離開魚場....之後去購物睇魚.但係眾人都有小小釣得唔夠喉咁啦,不過玩得好開心係真既
特別鳴謝係磯師傅佢今日仲要捱眼瞓陪我地班小獵人去購物同睇魚仔.....
[ 此貼被小小強在2006-10-23 12:40重新編輯 ]