就較早前有報導指廟灣釣獲百幾斤鮫魚一事,經多日資料搜集,現在將有關真相公諸於世.........
實地採訪後,報告如下:
人物:鐵甲師兄,以及其兩名好友
地點:廟灣
時間:2006年07月20至21日
對像魚:鮫魚,煙仔,海狼.....等等
作釣方式:假餌拖釣
話說鐵甲師兄與兩名好友一同於澳門出船,目的地廟灣準備釣足兩日一夜.....首天各人已釣起海狼,煙仔
至於戲玉就發生係21日既早上六點鐘,鐵甲師兄眼見海面有巨物打水,因此立即將換上yo-zurl既180mm大假餌作釣,無幾內就中魚.....眼見竿子已呈滿弓狀,而且輪子瘋狂出絲.......喂!喂!巨物呀!....眼見就快清杯之際,船長二話不說,且當機立斷地駕船追趕,一場人船合一既大作戰就此展開.......
由於釣手鐵甲師兄無諗過會中如此巨物,所以帶黎既都唔係重火野....咁就大件事,好彩有船長既純熟操船技巧,而佩合釣手既精彩演出..終於將輪子魚絲保持係20多米既存量,而巨物就係保持係2個壓既深度,但係由於竿子火力不足,足足大戰咗六個回合有多,仍然係維持著膠著狀態,咁點算....釣手已出現少許疲態,咁落去情況唔樂觀過喎....於此時,船長提出一個好冒險既方法,就係以玩手線既形式,快快手將巨物抽離兩個壓既深度,而釣手由於竿子火力不足,而且久戰不利,終於同意有關建議....立即以手線方式快速地收絲....成功咗終於將巨物抽出兩個壓既深度,而巨物由於已帶離優勢深度且魚體內由於高速升離深度,所以魚標急速脹大........終於力竭被捕,一場人船合一既精彩表演終於完美咁落幕.
戰鬥時間為十五分鐘
釣獲巨物既釣組:
竿子:daikoh 平政舟40號,4.1米
輪子:penn 545 1比6
魚絲:daiwa 18號
假餌:yo-zuri 180mm
[ 此貼被小小強在2006-09-12 23:11重新編輯 ]
