引用
引用第6樓光頭死神於2007-01-15 00:14發表的“”
跟住我地就繼續嘗試搵類似既釣點 , 隔幾十米就會有一個 , 所以一陣就去到 , 船都未停定 , 我就拋假餌埋去釣點 , 又係第一口 , pencil 就被攻擊 , 亦係巨鱸所為 , 今次雖然中勾 , 但由於抽竿力度大 , 而且補竿多左 , 結果就係線結位度斷左 ..... 我個仔呀.... 佢跟左我五年 ga la ..... 俾返我呀...睇住條巨鱸帶走左我個仔.... 超級心痛 .... 但唔可以因為咁而唔釣 ga嗎, 好彩帶得多 pencil 黎o者 , 即刻換第二條上陣 , 我調鬆左少少個拉力 , 又換左線 , 睇你點鬥 ~~ 幾竿之後 , 一下期待已久既攻擊發生 !! 今次成條鱸魚飛曬出水面搶餌 , 場面非常震憾 , 亦都係我第一次見咁大條鱸魚飛離水面作出攻擊 , 當鱸魚返回水中 , 魚絲亦同時拉緊 , 抽竿 !! 當時尤如拉住地球一樣 , 幾乎唔多郁 , 當我再次楊竿將魚勾打穿魚咀 , 條鱸就開始發爛 , 係水底左右狂衝 , 當時連船都拉郁埋 , 好彩有船家幫我地操控隻船 , 並慢慢將條魚帶離釣位 , 減低斷魚機會 , 我先可以專心咁同條魚慢慢搏鬥 ~ 跟住條鱸魚浮上水面 , 我已經感到佢想洗鰓 , 率先將枝竿壓入水中 , 並一直收緊條線 , 杜絕佢借力洗鰓既機會 , 巨鱸借唔到力 , 只可以將頭露出水面 , 張開佢既血盤大口係水面度係咁二搖左一下就落返去 , 此時我先真正睇到佢有幾大條 , 亦因為咁增加左我上到佢既信心 , 因為我既可清楚睇到魚勾既情況 , 亦可判斷出應該如何去對付呢個情況之下既作戰方式 , 想走都難 ~~ 終於... 經過左5 分鐘有多既搏鬥 , 巨鱸終於收於網中 ~ 呵呵 ~ 開心到即時大嗌左一聲 , 因為都好耐無釣上咁大條鱸 la , 對上一次係兩年前既 105cm , 今次呢條雖然無自己紀錄既咁大條 , 但都有成 100 cm , 真係發夢都笑醒 ~ ^^