都係一個唔錯ge方法! 下次遇到同樣事情先勿輕舉妄動,準備好錄音先講…
今日排隊過關果陣，遇到一件唔知好笑定好嬲o既事。
話說今日排隊過關都幾多人下，有個阿姨扮哂野行下行下涉左埋前面打尖，過左一陣，阿姨後面個大隻佬岩岩講完手提，發現前面多左個人，於是就問個阿姨
大隻佬「喂﹗你打尖呀？」
(阿姨扮聽唔到)
大隻佬「喂﹗我問你係唔係打尖呀？」
(阿姨繼續扮聽唔到)
大隻佬終於忍唔住，今次一手踏住阿姨博頭再問「我問你係咪打尖呀？」
阿姨終於出聲回應啦「唔好掂我，係咪想抽水？」(不會吧，一個40多歲的肥女人…)
個大隻佬繼續堅持問「我淨係想你答我你係咪打尖？」
阿姨開始發難「係又點呀？打小小尖之麻，又唔係打最頭果d﹗」
(老實說我覺得阿姨的回應相當幽默)
大隻佬「咁就得啦，繼續啦。」
個大隻佬只係講左句「咁就得啦，繼續啦。」之後就再唔講過野，任個阿姨繼續打尖，我心諗大隻佬呀大隻佬呀，原來你得把聲架ja，唉~仲諗住你會為我地出返淡氣，結果咪又係俾人打尖。
卒之，原來我估錯左，就係阿姨準備過關果陣，大隻佬突然上前同關員講
大隻佬「頭先個女人話打左我地小小尖，我想問下咁樣得唔得？」
阿姨反駁「我邊有打你尖呀？」
大隻佬「我頭先錄左音，你要唔要聽返？」
(原來頭先個大隻佬係咁問佢野就係為了錄音)
結果個關員叫阿姨返去再排過，haha諗住打尖反而被人玩左一鑊，真係報應~
