1115 佳記&大物 三小時之戰

由於中午要返工 , 但係又手痕 , 兼夾難得我老闆話請我釣魚 ^^ 咁無理由唔去 ga 嗎 , 就算釣三個鐘都照去 ~

首先要好多謝阿佳幫我地做攝影師 , 咁先有功課交 ... 因為...真係忙到唔得閒影相 law ...... 好彩阿佳攞左我部相機黎影o者 ~~ 真係唔該曬

係出發之前仲煩緊 d 天氣咁差 , 又落雨又涷 , d 盲鰽同紅鮋會唔會唔多開口 , 雖然有花鱸釣 , 但點都有 d 擔心 , 不過次次去大物都無乜點龜過 , 點都有信心既 , 唔諗咁多la , 拉大隊去 happy 下先 ~~ 八點去到釣場 , 一去到就俾到兩種好得意既感覺我 ... 左邊既大物池 d 水係綠色的 , 右邊的佳記塘係濁水的 , 果然水深係唔同 d , 咁就一於先釣大物個邊 , 而且我都仲未中到大牙點 ... 點都有 d 心心不憤 , 咁我就連同我兩個新玩假餌既好朋友一齊過左大物 , 而我兩個老闆就去左佳記個邊 ^^ 兩大部隊分頭行事 , 唔知邊一邊會好況 d 呢 ??

一路同阿佳傾計一路釣 , 唔知係咪 d 魚知道老細係度 , 特別俾面 , 係咁不停中 , 不停咁中 ~~ 基本上拋兩竿就有魚訊 , 而且好多時都連續係咁中添 ^^ 連我另一個朋友都密密手中魚 , 多開心 ^^ 而佳記個邊亦都不停聽到中魚既叫喊聲 , 我地就好似癲左咁係咁笑 , 跟住我地釣釣下又走左去佳記個邊玩下 , 點知仲大鑊 ... 係塘頭拋出去 , 基乎唔駛收線就即刻話中魚 , 或者只要拖一拖就即刻被打劫 ~ 最離譜既係我有一口 ... 個 jighead 收到岸邊 , 我掛住睇老闆娘中魚 , 咁就教緊佢點弓魚 la , 居然係呢個時候突然感覺到有野拉我枝竿 , 本能反應抽竿 , 咁都話中條盲鬼 , 但最後尾甩左 ... 變態的..淨係得個 jighead 都咬 ... 而更好玩既就係 .... 我中到條鱘龍 la ~~ ^^ 至於點釣la 喎 , 問老細先知 la ^^

好快我地又釣到11點幾 , 係時候收竿走人返工 ~ 呢三個鐘真係過得超快 , 未有一刻悶場過 , 全程都係不停咁笑 , 不停咁中 , 雖然割左好多口 , 亦甩左幾條 , 但上水既我起碼都有接近30 條 , 未計即釣即放個十條 .... 簡直仲high 過上星期 , 而我兩個朋友都各釣到十條左右 ^^ 下下個星期放假又再去多次先得 ~~~~~~

高手~~~~~~^^~

wei~~丁生~我叫阿斌~~((蔡高学校))
几时带我去钓下鱼ar!!
我好耐冇同你钓鱼la wo~~~
我谂你都唔记得我ga la~~

引用

引用第21樓tony於2006-11-17 15:46發表的“”
而家係咪兩邊都係一樣價同埋一樣可以攞魚走嫁～～

聽佢地講就話係統一收 $150
不過去之前打比阿佳問問穩陣~

而家係咪兩邊都係一樣價同埋一樣可以攞魚走嫁～～

死佬.....又系到放毒......

廣告?

引用

引用第5樓艾域隆於2006-11-16 19:04發表的“”
點解我釣多你兩個半鐘得廿八條丫 ... 你話丫 .... 我支竹咁硬 ... 攻起魚上黎一d都唔型

嘩...........一個人釣廿八條 , 真係西利....... 掌聲鼓勵

光頭

你兩個老細都釣得很開心。。。。。。。

下次去記得叫我~~~~~~~~
但係點解睇落去 我支 Phantom TR 662 LRS 唔夠果支 neoversal   曲既??

那天我也在场，看到楼主上鱼的频率真让人羡慕，你的竿上鱼后的曲线太漂亮了，手感一定不错哦！能不能介绍一下你的这套装备，有兴趣也搞套软竿玩玩。

好勁ar..................^,^...