我剛於本月19日星期五去完紅樹灣，日約在上午十點到達，十五分鐘後落竹，我落竹位置係入橋約十至二十米橋邊處，講你都唔信，一落竹都唔夠五分鐘，個浮波就好似支箭咁插入水，我放少少絲就抽，一抽就中，玩約兩三分鐘，一條重千多的盲鰽上水，但當我起魚上水不久，我朋友阿石在遠處又不停起黃腳仔，我放底條魚後再返番橋邊繼續，當時我女朋友就企係我隔離，突然佢係我後面大叫，我擰轉面就見到我女朋友支竹比條魚弓到入橋底，爭入哂橋底，好彩我叫佢出力向外弓，跟住就張條魚弓番出去，但條魚不停向橋底衝，玩約三分鐘左右就將條魚起上水，係紅，重兩斤多。在日我?斷斷續續都有魚訊，但到了傍晚約五點幾，黃立開口，我連續中六口，不過都係起得三條，中黃立真係好感覺到你唔信。總括全日魚獲：我起三條黃立，兩條盲鰽，兩條黃腳，兩條紅，但係甩唔知幾多口，我女朋友唔係好識釣魚都起三條紅，四條黃腳，我朋友起五條黃腳，一條黑，一條盲鰽。
不過釣魚都係要睇天氣同要睇運的。
