首先,我身在家中,正在處於一個無聊狀態,一路睇同事三分親,一路玩緊電話,無端端就比我見到個我都吾記得左係邊個既電話號碼,人名係Au din...............抓.....抓癲???真係吾知係邊個,咁我就好唐突咁打比佢啦!!
我:"喂,吾該Au din丫"
Au din:"我係,咩事呀保,好耐冇見" (心裹涼一涼,竟然知道我名)
我:"哦~冇咩野,問你呢排點之嘛" (當時我仲未知佢係邊個)
Au din:"我而家去釣魚(釣魚???)呀,一吾一齊呀" (跟著我先醒起,佢係一個我n年前係細湖見到佢玩假餌又傾開計而交換左電話號碼既後生仔,真係攪笑)
我:"好!!去邊!!"
Au din:"去蚊森,戈度有打水" (抓晒頭,蚊森??)
我:"邊度係蚊森?"
Au din:"蚊森係我作既,即係好多蚊既地方咁解,你去嗎?"
我:"去!!!"
之後我就拿好架生,做埋防蚊措施,call埋康師傅gogogo,一到步,仲要走一段小路,跟著睇到個地方'蚊森'雖然地方細細地但都不錯,跟著我同Au din就開竿作釣,康師傅就只係去睇同影相,第一竿用pencil,平靜既水面即時大爆炸,咁堅???可惜咬吾中,跟著pen多幾竿,冇乜反應,換隻minnow拖下先,即傳來咬餌訊,一揪中魚,條魚發癲又洗鰓又爆,好似想把成個水面爆開咁,不過條魚年幾仲細,都係要乖乖上水架啦,跟著影相放魚,果然,攪過一輪之後又冇乜料到,蚊就大把,休息一陣先,但係Au din就好勤力不停飛,終於輪到佢中返條啦,又係minnow,又係狂洗鰓狂爆,體型同前一條一樣,不過好可惜,在第3次洗鰓時被掙脫了假餌,真係吾抵,算啦,爽了爽都好過冇啦,跟著飛多兩野,實在頂吾順蚊森既可怕,就同d蚊say good bye啦!!!
點擊看大圖:01.jpg
點擊看大圖:063.jpg
點擊看大圖:02.jpg
點擊看大圖:04.jpg