話說昨晚Dailly魚毒發作, 急 Call 小弟與爆漿王一同前往南灣湖 fit 下拖下~
Dailly 由七點開波, 九點幾小弟與爆漿王才到達!! 一問之下釣況不佳...一口魚訊都無, 事實上昨晚又真係無乜風又無乜流~ 大家都打定輸數
我們三人再釣了不到一小時, 感覺完全死靜一樣~ 而呢個時候, Dailly 都要走人啦!!
咁我同爆漿王唯有轉場啦, 心諗好耐都冇去碼頭爽下, 一於去個到啦~ Go Go Go!!!
一去到仍然風都唔風下, 不過一場黎到就玩返陣.... 經過左又大半小時, 又係完全一 d 動靜都冇, 突然間... 爆漿王中野~~~~~~~~~~~~~~~~~~~~~ 好輕易咁上左水啦, 原來係條小雞泡...呵呵!! 都好啦, 話晒唔駛食蕉蕉!!
心諗都差不多了, 反正無魚釣不如早d 返屋企訓~ 就係呢個時候, 半拖半收咁將大大隻生蝦拖返來!! 突然有度猛力逆水而行...不過只係一小段路程... 心想仲以為係小魚作怪!! 繼續收絲, 點知一上水, 發覺得返個蝦頭!!!!!!!!!!!!!!!!!
好...咁就比多次機會佢, 我地玩多十五分鐘, 我同爆漿王就以不同角度同一範圍不停拖不停拖...但我們都係用浮波的~ 到十五分鐘了都係冇喜訊傳出!! 咁我就最後一口傳沉底拖生蝦~點知就係拖左兩下之際, 突然猛力走水~~~~~~~~~~~呢一瞬間我馬上揚杆...中啦中啦!! 條魚不斷發力... 差少少比佢走入椿... 好在猛力反抗~ 經過六次發力後, 魚魚終於投降... 咁我當然好小心咁執佢上來啦~ 原來係一條斤幾重的海紅鮋...真係久別一年了!!
之後我就快手快腳影張相馬上回歸大海~ 希望下次大家可以再中佢...相信可以幫你解到毒的~ haha
點擊看大圖:20071004461_s.jpg
點擊看大圖:20071004462_s.jpg
