三人慾釣鱸 , 西湖此中求 , 豈料遭封殺 , 路亞路難行 , 徬惶何處去 ,幸有天倦顧 , 秘位超爆釣 , 鉛筆戰狂鱸 , 痛失兩猛將 , 誓要雪前仇 , 一百CM 鱸 , 終被我KO , 一葉輕舟上 , 50斤傻鱸 ^^
原本我地諗住去西湖輕輕鬆鬆咁釣返一日魚 , 但一去到 , 阿茂就行埋黎同我講話唔俾玩 , 就算有証都唔得 , 管理不來 .... 真係唔知咩道理 ... 不過既然佢咁堅決 , 我入去釣都無用 , 唯有另覓樂土 ~ 跟住阿茂就叫左我去另一個地方 , 我地只要有魚釣有得俾我玩假餌就 ok , 而且都無乜心水地方好去 , 咪聽佢講一下 law ~ 隻船行左好耐 ... 終於到左目的地 .... 點解...我地會去左個燈塔呀 ... 完全變左出礁 feel喎 ... 又無適用既假餌同架生 , 點釣呀 ... 但都上去釣左一陣 , 可惜流水未o岩 , 結果只係係度餵雞泡 ... 跟住我地就一路周圍去搵魚 ..... 咁就開始左我地既爆釣之旅 ^^
途中我地經過一條石磯 , 隻船經過磯咀個時 , 我將隻minnow 拋去磯咀 , 然收返黎 , 行左兩秒 , 突然有魚訊 , 但可惜弓左兩秒就用左 .... shit ! 做乜第一口硬係會甩 ga !! 上黎睇一睇隻假餌 ... 做乜勾住左一舊好似魷魚鬚咁既軟體物體既 ... 唔通呢度有大尾魷 ^^ ?? 但睇真 d , 聞一聞 ... 就可以肯定係鱸魚咀既皮 ... 一陣鱸魚特有既氣味 , 於是就停船睇釣下先 la , 但釣極都無 , 唔通個度真係得一條咁抵死 ? 於是我地又轉位 ~ boat game 既好處就係咁 , 機動性大 , 釣既位多 , 一無魚就可以走 , 岸釣就慘 lo , 行餐死都未必行到去某些釣點 ^^
我地又去到人地既一個閘口出邊 , 見到閘口左邊有一排樁 , 釣點好靚 , 感覺應該會有魚 , 我就用 pencil , 七哥就用 minnow , 我先用 pencil 測試一下有冇反應 , 但未有魚訊 , 而七哥就跟隨其後拋出 minnow , 結果隻假餌落水一秒 , 即刻打左個好大既水花出黎 , 立即叫七哥抽竿 , 從力量上睇黎 , 呢條魚都唔細 , 可以拉到枝 7呎6 neoversal 彎曬 , 所以更加要小心對付 , 經過一陣糾纏 , 終於拉到接近船邊 , 唔細喎 , 有7,8斤 ~ 搭勾一落 ~ 我地第一條魚獲上水 ~ 呵呵 , 估唔到第一條就中大野 , 開心死 ~ 但釣多陣 , 又係無再咬 ... 唔通真係得一條魚咁賤 ??? 既然無就算 , 再轉位 !!
一路行 , 一路釣 , 我地都唔知飄到去邊度 , 船佬話呢度有魚釣 , 叫我地試下 , 由於呢個釣點我平時都有大約留意過 , 水深都比較清楚 , 而我今日又係為左黎玩既 , 梗係用 pencil la , 之前 d 釣點用左 minnow la , 一於試下先 ~ 判斷出攻略路線之後 , 就拋出第一竿 , 當隻 pencil 好 " 姿遊 " 咁經過目標地點 , 突然一條大鱸魚撲出水面攻擊假餌 , 好響既一聲打水 , 但可惜打唔中 , 假餌依然浮係水面 , 於是我又輕輕 pan 多兩下 , 又再一次傳來攻擊 , 十足十係十棵樹玩 d 死盲鬼咁既場面 , 但呢度係海黎 ga 喎 ... 居然咁都有 , 實在開心到我地傻咁濟 , 今次依然係打唔中 , 又慢慢 pan , 我見隻假餌收到差唔多一半距離 , 就快 d 收返返黎拋第二竿 la , 當我一收線 , 條大鱸又攻擊我隻假餌 , 但我咁o岩收緊線 , 手中感覺到碰撞到一下... 唉 ... 做乜鬼我唔收你都唔撲 ga ... 夾 cue 都無咁準 !!! 等我拋出第二竿個時 , 終於俾我中到 ~ 但弓左廿秒到就甩左 .... 唔係咁玩我o者 .. 又甩 ?! 正當我地以為甩魚會嚇走 d 魚 ... 諗住轉位既時候 , 七哥拋出隻 minnow 去釣點 , 收幾野就中魚 ~ 呢條好明顯又好力過上一條 , 要玩成三分鐘先埋到船邊 , 不錯的 size , 85 cm ~ ^^ 破左七哥既大魚紀錄 ~ ^^ 既然有魚釣 , 就繼續係度釣多陣先 , 打死都堅持用 pencil 既我 , 點可以輸俾七哥 ga , 好彩好快就俾我搞到條上黎 , 可惜細 d , 70cm 有多 , 之後就到馬仔 , 教左佢點用 pencil 之後 , 幾經辛苦終於拋到一竿埋釣點附近 , 而風向同流水都係向緊目標地方 , 我就叫佢等一陣 , 等隻假餌飄埋 d 釣點先再開始做動作 , 見距離適合 , 就開始pan , 但只係 pan 左一下 , 就被攻擊 , 而且今次攻擊假餌既 , 好明顯係大過暫時釣到既鱸魚 , 因為成條魚都可以清楚睇見 , 至少都有 90 cm 以上 , 但馬仔用緊既係鱒魚竿 , 雖然係 L 調 , 但都比較辛苦 , 幾經辛苦先拉得離釣位 , 但突然見枝竿彈返直 ... 甩魚 .... 上到黎睇下隻假餌 ... 尋晚我新換既 owner 三爪勾居然直左一隻 ... 而且直得好嚴重 ... 可見條鱸魚有幾大 ... 馬仔好失望咁話唔玩 pencil ... 我就叫佢改行玩 popper , 反正popper 易操控 d 又可以中到魚 , 而且發現釣點內既大鱸魚都無乜 , 幾竿撲餌既都係細條 d 既鱸魚 , 用popper 會比較有勝數 , 而我就改用 ima 既 b太 , 專攻小鱸 , 好快就起左 4 條上黎 ~ ^^
[ 此貼被光頭死神在2007-01-15 19:33重新編輯 ]
