arrowtsang 離線

級別: 尊貴會員

UID: 6492
精華: 9
發帖: 12962
漁樂幣: 1431654 元
威望: 20688 點
貢獻值: 0 點
娛樂金幣: 0 元
在線時間: 6621(時)
註冊時間: 2007-09-24
最後登錄: 2018-03-17

樓主發表於: 2009-12-09

倒序閱讀只看樓主小中大

朱SIR精品文章 7 “一失足成千股恨”--轉貼/磯釣的好文章集(158)

此上好文章來自： 磯行者磯釣漁會在艇上找尋礁位及在礁上望下釣點,可以是截然兩回事。上錯位，可說是一失足成千股恨。

香港磯釣比賽,釣點幾乎已掌握左參賽者3/4既得獎命運.
尤其是西水大小鴉州,北水赤門海峽內海,上到名釣點,三甲無得閃。
當去到一個新或認識很少的釣場,
如何去選擇一個你認為有機會及首先可以衝破打龜心理障礙既釣座呢?
係我地”搵位”兼軍火專家wan出聲之前, 希望可以同大家先分享一下我多年來南征北討既心得, 同大家研究研究。

(1) 方向: 搵釣座第一大規條就係搵有個"東"字方向既位.因為,香港水域既東面係南中國海及太平洋.所以,流向岸邊既海流都係由東面衝過來,尤其是d颱風呀,冬季季侯風呀等等,都係由風將海流由東面帶過來.因此,d魚都係咁帶過來。

(2) 炒白位: 最易識別既釣座之一. 因為魚除左係磯邊流(離岸約48呎內)活動外，好多時都係存在係離岸流(離岸約48~108呎內)或海洋大流(離岸108呎以外)"經過"閣下既釣座。炒白位所造出既水流動力功率,估計可以將誘餌帶去離岸流甚至海洋大流邊皮，加上炒白位含氧量高及係一個慣性供應魚群食物地方,因此, 炒白位一般成為中魚率較高的釣座.但要留意,若果炒白位係由橫流衝擊咀位或出水石而成,效果反而不大.

(3) "冧"石位: "冧"石位係炒白位外最易識別既釣座.因為係魚現成藏身之所,但要留意"冧"石之大小、散佈與及釣座之企及前方水面落釣組之空間。所以，一般在艇上已可以留意山邊既大"冧"石情況。港水及外礁之西水都可以此為釣座地

(4) 跌級位: 有4種方法知道跌級位既存在,
a. 釣座岸上石崖既石塊結構: 由磯艇望向釣座石崖,你會見到石塊係一級一級咁向上,每段石級越高及越闊,則釣座前向海的類似結構形成的跌級便越長越深. 圖(1), (2) & (3)之紅線表示石塊係一級一級.**登上此類直崖釣座，釣友上礁後若發現地上有碎石塊，建議釣友必須離開。因為釣座地上之碎石應已被海浪沖走，若發現地上有碎石塊兀，表示崖上有崩塌石塊之危險**

b. 問艇家測深機: 上磯前問問艇家測深機海床情況係最直接既方法
c. 湧浪情況 : 當湧浪由釣座前方衝入，湧浪會在離岸某一個距離時突然變得較高,而在這湧浪突然變既後方,就係跌級或大間礁。
d. 流水波紋與狀態 (不作文字解釋)

(5) 暗礁位: 有4種方法知道暗礁位既存在,
a. "冧"石之情況
b. 參考4c
c. 釣組移動狀態
d. 流水波紋與狀態 (不作文字解釋)

(6) 騎樓位: 騎樓位係指釣座腳邊係一個直落、水深、而且直落到底的石壁位置係一個凹入的”倒扣”位,係魚群極喜愛藏身之所。外礁肥豬肉正排及十字島後欄就係咁樣。

(7) 食物位: 炒白位固然係一個慣性供應魚群食物地方，另一種就係礁邊及或海床長有海草、紫菜及蠔穀等地方。哩種釣點，亦是魚類迴游產卵之地。

(8) 咀位 : 咀位因易受流水沖擦，而將礁石之海草、紫菜及蠔穀等食物形成一條慣性供應魚群食物帶而將魚引入及聚集。另外，咀位兩傍很多時會形成避流位，而使魚停留該處。麒麟排向青州方向之內塘便是如此。

(9) 深場位: 除非好明顯知道該處有暗礁或跌級，否則，釣座腳邊18呎內直落有一竿深會釣點會較有利。

(10) 釣場環境觀察: 上到礁位
- 湧浪: 一路綁釣組，就要一路留意釣座前既湧浪狀態，以決定是否有暗礁及釣組落點。而且，有時我們需要計算湧浪與湧浪間平伏既短時間作出投拋及攻擊。
- 浮波移動狀態: 頭5-6竿浮波移動的路線及狀態，就是要決定當日打誘餌既落點與誘餌帶及誘餌區的形成。另外,亦要留意浮波移動狀態,以觀察海床是否有暗礁,海草與及魚仔盜餌及就餌區段。
- 誘餌漂流及下沉狀態: 一般開好誘餌，就會打誘餌在腳邊及兩竿外，以決定頭5-6竿浮波移動的路線。留意誘餌漂流及下沉狀態，以決定誘餌能否去到預定區域.- 咖啡泡/垃圾: 有類似cappuccino泡沫咖啡咁樣同埋垃圾積聚既釣場，的99%都唔會上，因為此等表示該處係風及流水的盡頭，即是死水。如果釣釣下出現，一係貼住腳邊，一係拋出咖啡泡以外。但要留意炒白造成既白泡沫與咖啡泡既分別。