UID: 6492
精華:
9
發帖: 12962
漁樂幣: 1431654 元
威望: 20688 點
貢獻值: 0 點
娛樂金幣: 0 元
在線時間: 6621(時)
註冊時間: 2007-09-24
最後登錄: 2018-03-17
|
浮波(上)--轉貼/磯釣的好文章集(146)
此上好文章來自:磯行者磯釣漁會 WAN師兄對浮波的見解 在浮游磯釣各種釣具中,我認為浮波是浮游磯釣中的靈魂。 它是釣手在海中嘅分身,引領住釣組去揾魚。 如果沒有一粒幫你揾魚嘅浮波,除非成海都係魚,否則任你有甚麼VIP,金棍,Limit,引天剎,金籮柚,Technium,都無用武之地,註定打龜。
探索期
回想十幾年前初玩浮游磯釣嘅時候,浮波款式又小,索價又高,通常¥價十幾算,山元八郎二百幾成三百,鬪魂更要三百幾成四百,仲要成個?弟咁求某釣具店返貨留一兩粒比你,真折墜。(當時有浮游磯釣嘅嘢賣嘅釣具店很小,連鎖店都末開,南極蝦都末引進) 每次去釣魚都只有三幾粒浮波,斷幾粒浮波就要轉打沉底,真真無癮! 所以在浮波嘅探索進展極慢。 現在玩就真係幸福好多,浮波又平,十幾就有交易;款式又多,可以盡情買多幾款去試。
但係試都要有系统咁去試,才會事半工倍。 以前由於浮波價錢貴又無錢(當時仲讀緊書幫人補吓習),通常同一款都係買一到兩粒; 到釣魚時好多時會發覺粒浮波好似欠D欠D,有時想要大DB數,有時又想要細D,導至到不能引証在當時客觀環境下,用相同形狀但不同B數嘅浮波能否提高中魚率,回想起來也有點遺憾。
所以在探索期買浮波,我會建議買平浮波,不過要同款不同B數多買幾粒,先至試到在不同的客觀環境下,該款浮波能否幫你揾到魚。我個人認為浮波是釣組中最感性的部份,唔理乜嘢浮波,最重要係能夠配合個人釣法,靈活配搭運用,先至可以成為釣魚之達人。
在末建立出一套個人釣組系統之前,先要認識浮波最基本嘅特質,然後因應釣塲環境、風浪及天氣,思索一下那些特質在當時情況下能夠更有效率地送到標點和釣棚,從而增加就餌嘅機會。 浮波基本特質
形狀
講浮波主要是有三個形狀,正丹錐、欖球形和倒丹錐(水滴形)
從流體力學角度---由於正丹錐和欖球形底部較尖,在慢沉情況下水阻較小;相反倒丹錐底部較濶,在慢沉情況下水阻較大。在快沉情況下,由於正丹錐頂部較濶而產生擾流,使到浮波下沉時會有不規則恍動;反之倒丹錐和欖球形頂部較尖,較正丹錐流線形, 產生擾流較小,所以浮波下沉時會較暢順。
從操控角度---我覺得形狀對於控線方面影響不大,反而輕自重浮波需要較細膩嘅控線手法。
可視性---由於正丹錐螢光頂部較濶,可視性較佳;至於倒丹錐和欖球形螢光頂部較尖, 可視性較差。
重量
重量主要影響釣組嘅遠投性、敏感度和乘流性。自重大浮波, 遠投性較佳,但會減低敏感度和乘流性。
體積
體積主要影響釣組嘅敏感度和乘流性。體積大浮波,乘流性較佳,但會減低敏感度。
重心
高重心浮波在母線引下角度較自然,但較搖恍;低重心浮波較穏定,但相對高重心浮波較唔自然。
總結
由於浮波各個特質都有其利弊,浮波是死,人是生,必須多作釣,多思考,多嘗試,揣摩浮波各個特質以便對應當時釣場情況。 待續,多謝收看及評分! [ 此帖由arrowtsang在2009-11-07 23:31重新修改 ]
|