為左對付桂山既強暴犯--紅鮋 , 報六月一戰之仇 , 決定入手 major craft salthya 96HH shore jig 竿 , 睇下你強定我強 !!
經過多番準備 , 16 號終於成行 , 由於早上流水未o岩 , 水位亦唔適合 , 並未有斬獲 , 一直至下午兩點幾 , 係2 號防波堤對海方向出現強烈魚訊 , twinpower 九成 drag 都爆得出 , 即時按杯鎖鉸 , 出盡力拉竿制止紅鮋過石 , 不消 5 秒已經強行將魚拉出石林 , 慶幸 80 磅 shock leader 並未磨斷 , 快手將條魚飛上岸 , 免得再有機會入石 , 終於生平第一條磯lure 紅鮋上水 , 非常開心 ^^ 但中完呢條之後 , 就再無魚訊出現 , 而且拋左成日 , 都係休息下再戰 , 六點左右返魚排食飯 , 食完飯再訓多陣 , 八點半再次整裝出發 , 此時流水已經漲至八成 , 將下午所見到既暗礁位全部掩蓋 , 假餌有更多既空間同無咁易入石 , 係九點半鐘再次出現比下午更強烈既魚訊 , 今次食埋黎連 full drag 照出 , 好彩爆得兩米左右就制止左 , 即刻以最快速度收線強弓返黎 , 半分鐘後上水 , 由於太黑實在睇唔到條魚幾大 , 都係又要強行擔條魚上岸 , 好彩枝竿夠力 , 咁大條紅鮋都照抽上岸 ~ ^^ 果然夠強 !! 再釣多陣都無魚訊 , 決定訓到聽朝晨光先再釣 , 因為右手實在已經不勝負荷 , 出現疲態 .... 想唔休息都唔得 , 可惜第二朝水退得太乾 , 根本不能作釣 , 於是都係慢慢收拾行李 , 準備搭船走人 ~
雖然今次淨係上得兩條 , 又甩左條牛廣仔 ..... 激死人 , 但都起碼叫有所交待 , 新竿開光成功 , 又無俾魚姦過 , 唯獨入石損失一條假餌 , 算係萬幸 ~~ 而及後秤過兩條紅鮋 , 一條 2.5 kg , 49 cm 長 , 另一條 2.8kg , 50cm 長 ~~ 可惜仲未有時間搵sang 哥攞魚尺.... 如果唔係一定會更好睇 ~ ^^
桂山 ~~ 我一定會再黎挑戰更巨型既紅鮋 ga !!!!!!
點擊看大圖:Image00001.jpg
點擊看大圖:Image00002.jpg
點擊看大圖:Image00003.jpg
點擊看大圖:Image00004.jpg
