今次一行三人, 分別有我, Dailly, 爆漿王。10月1四點半出發, 天氣良好, 五點多少少到達西湖。
為左晚餐有魚食, 三人二話不說馬上整理裝備, 火速上彈落竹 ... go go go !!!
不到一分鐘 Dailly 已經開工, 我和爆漿王還上緊槍來槍咀...唉!!!
當我地都可以開工時, Dailly 又以一貫作風 嘩嘩大叫 !! 話咁快上左條二斤盲鬼 (呵呵, 晚餐已經有著落)
又過左無幾耐, Gap仔Dailly又傳來嘩嘩聲...斤"零"紅?又不幸被捕!!! 心想我隻蝦唔通臭o既 =___=
過左一個鐘, 到爆漿王嘩嘩聲...回頭一望, 車~~~ 原來係小紅軸 !!!!!! 心想我隻蝦原來真係臭o既 =___=
接住連翻嘩嘩聲, 但魚都唔係好大, 不過我都係未中過魚....完全無晒意見
唉! 釣到七點鐘已經開始收晒口啦 d 魚, 咁唯有中場休息去食飯啦~~~~~~
馬上羅起條二斤盲鬼去搞掂佢先, 條盲鬼食落都唔錯, 肉質鮮甜彈牙, Yummy
好啦, 終於醫好個肚仔, 我地又進行第二場賽事!!!
眼見超多魚係到打水, 各人都落二支竹, 但只有零聲魚上水, 但上親都斤幾兩斤以上 !!
到左大概十一點啦, 我都係未中過魚, 心想唔係個個爆釣, 而我要焦焦呀嘛~ 唉
就係呢個時候, 我轉左個逆水位落竹, 點之一落竹唔夠 30 秒即時有反應, 仲係狂走絲個隻(可能係逆水關係)
係個一刻我同自己講我唔可以比佢走!! 一定要羅佢黎祭棋~~~~~~ 攻左三分鐘後終於搞掂左~ yeah !! 但真係唔知咩魚, 聽 d 人講好似叫 "幪"魚
之後, 大家都手起竹落, 係咁上魚, 有大有細乜鬼都有...玩左一個鐘後又開始靜落黎~
呢個時候大家終於可以鬆口氣, 抖一抖~~~~~
靜靜地又過左一個鐘啦, 都係無人上到魚~
咁我心諗自己靜靜地走去其它無人釣的釣位試下啦, 十分鐘只係十分鐘, 條盲鬼又中招啦~~ 呵呵!! 條盲鬼又係過二斤~~ 正呀!!!
跟住 d 人見到咁大條盲鬼上左, 更係紛紛走晒過黎啦 !!
Dailly 一落竹, 又係唔夠十分鐘又中盲鬼, 不過都係斤幾 je~~~ hehe
之後前前後後左左右右不停中盲鬼, 唯獨是爆漿王呆晒完全無反應 ... 呵呵你都有今日啦!!
經過一輪起左十多條盲鬼後, 終於清貨, 輪到紅鮋上場啦~
嘩嘩嘩, 又係我, 二斤紅?無得走~ 之後大家亦係勁上斤多重的紅軸 !!
雖然大家都未停過上魚, 但爆漿王仍然係個隻蝦~~~ 未換過 !!
開心時間過得特別快, 天都開始光啦, 我地仲係不停咁 reload reload 再 reload !!!
但係爆漿王都係未中到, 就係呢個時候我突然間比隻巨物拖住, 不到一分鐘 "啪" shit, 支竹英年中逝~
咁唯有換支短投竿玩住先, 雖然 d 魚係好精, 成日游埋去切斷條絲, 但都可以上多幾條盲鬼和紅鮋 !!
但爆漿王仍然不變, 發晒 "牛豆", 哎呀, 突然間有野扯住o既, 爆漿王當然唔會放過呢個機會啦, 一起上黎原來係隻蟹...haha
爆漿王即刻 reload 再來過, 不到一分鐘爆漿王又比野咬住仲拖住黎走添, 我當然馬上備網啦, 點知條魚鬼死咁好力, 同爆漿王玩足十分鐘有多, 我都等左十分鐘有多 =_= 開始見到少少魚影啦, 紅紅地色, 心想一定係二斤紅鮋啦
好啦, 玩左咁耐終於都肯上水, 嘩...成條魚都係金紅色, 原來係條超六斤野生大紅鮋, 全場人仕紛紛跑過來, 連場主都睇到呆晒, 佢話呢條起碼係湖到三年 !!
講到呢到我都打都手軟, 雖然仲有好多正野無講, 但都係去片先 (唔好意思, 因為無乜時間影相所以唔係好多相)
[ 此貼被vernon在2006-10-03 09:26重新編輯 ]